As Antimums son un grupo de rapazas, por decir algo, porque elas poden ser o que queiran. Punk Rockers do barrio de Teis de Vigo, os seus gustos van do punk rock clásico Británico de UK Subs, Slaughter & The Dogs ou Johnny Moped a Slayer ou Dead Kennedys. Comezaron a súa carreira cun primeira demo de dous temas Antimums (da que gravaron un videoclip) e Hidrogel.

É unha banda de Punk Rock que se encara á realidade con postura crítica sen abandonar ese toque dadaísta que fai máis digerible o día a día que lles tocou vivir. Antimums non é unha alegación contra a maternidade pero se o é contra a obrigatoriedade de ser nai, pai ou medio pensionista. Antimums é unha bocanada de aire fresco nunha atmosfera encorsetada por unha corrección política que ameaza con acabar con todo físgoa de liberdade.

Por outra banda, recapitulamos de onde vén Rober Perdut, deixando ao libre albedrío cara a onde irá. Principios dos 90´s: a mítica banda da Costa Branca Los Fiambres chegan ao seu fin polos típicos problemas do Rock&Roll. 25 anos despois Rober, o seu cantante, exiliado en Madrid, escribe un guión con ecos de lisérgico celuloide e táboas de Rock&Roll cuxo protagonista se chama Rober Perdut.

Imbuído polo espírito dos Dolls gravó o LP Salmos del cable, un disco concibido en solitario, no que contó coas colaboracións de músicos como Ana Curra, Cesar Scappa e Dogo dos Mercenarios, entre outros. Masterizado no estudo neoyorkino Sterling Sound por Greg Calbi (Iggy Pop, Lou Reed, David Bowie…) e producido por Miguel Marcos con portada a cargo de Enrique Marty.

ENTRADAS AQUÍ