O Concello retoma este xoves 3 de xullo as recreacións históricas no xacemento arqueolóxico, que se realizarán ata en seis xornadas nos meses de xullo e agosto e para as que non é necesaria a cita previa.

A vila romana de Toralla recibe esta semana as primeiras visitas guiadas desta temporada. As persoas interesadas en coñecer como se desenvolvía a vida das mulleres e homes da época romana na vila poderán asistir ao espectáculo no que os figurantes, ataviados con roupaxe da época, recrearán diferentes escenas cotiás como a presentación en sociedade dos recen nados, creación de perfumes, creación de adornos florais, a venda de escravos ou a loita de gladiadores, entre outras.

Horarios:

As visitas serán os xoves 3, 10, 17 e 31 de xullo e os xoves 7 e 21 de agosto. Haberá dous pases cada día: o primeiro ás 20:00 h e o segundo ás 21:00 h.

A entrada é libre ata completar aforo.