Red Flag

Tras o éxito colleitado o 17/06 coa primeira edición do Supernatural Day Fest, Red Flag toma a testemuña como promotora para organizar o seu primeiro evento.

Terá lugar novamente no C.C A Laxe, co mesmo propósito de gozar de boa música, nunha pista de baile á altura de calquera gran festa.

• Supernatural Music Project

É un colectivo creado por 2 tolos da música: Ful e Yago, cun amplo coñecemento da escena viguesa. Serán os encargados de abrir o evento e enganchar á xente cos seus estilos favoritos: jazz, funk, música negra, Italo, disco, tropical,…

Non deixarán a ninguén indiferente co seu gusto musical.

• John Axiom

Para continuar o evento, temos a un dos produtores mais recoñecidos da nosa comunidade. O seu son único e especial, fixo que a súa música fose seleccionada para un dos films de Ridley Scott, en concreto, da súa película ” The Counselor”.

• Certain People

É o proxecto de José González e Manuel Gómez, Djs e fundadores do selo certain music.

O seu estilo, abarca moitas influencias, desde Detroit, Chicago ou New York, sen esquecer as súas raíces de onde provén a súa inspiración funk e disco.

• Javi Barral

Un fixo da escena musical viguesa. Leva desde moi mozo inmerso na musica de club, sempre cunha refinada seleccion musical e elaborando sesións nas cales se pode escoitar o mellor do House, o Progressive ou o Techno, sempre nunha liña moi Dub e moi melódica que fará as delicias dos asistentes.

Entradas