Este mes de marzo, Vigo reconquistará algo máis que a cidade das mans dos franceses. Este ano, Casaplanta propúxose devolver aos balcóns, fachadas e terrazas a vida e a cor. A empresa viguesa lanza unha nova iniciativa baixo o lema de Reconquista tu balcón, un evento que terá lugar este sábado 22 de marzo de 16:00 a 20:00 h en pleno corazón de Vigo, na Porta do Sol (xunto á fachada do Banco Santander).

O evento está inspirado na tradición local da Reconquista de Vigo e ten como obxectivo animar á cidadanía a reconquistar os seus espazos exteriores mediante o uso de plantas e flores. Durante a xornada, os asistentes poderán participar gratuitamente nunha dinámica divertida e chea de cor: un pop-up interactivo onde virarán unha ruleta con premio seguro. Os participantes poderán levar á súa casa flores de tempada, agasallos, descontos e outras moitas sorpresas para reconquistar os seus espazos ao aire libre, dicir adeus ao gris e recibir á primavera.