Entre o 27 de xuño e o 30 de agosto, A Casa de Arriba acolle Reconocerme, a nova exposición da ilustradora Lina Lóbui. A mostra reúne obras que transitan entre o onírico, o abstracto e o figurativo, onde a inspiración, a pausa e o reencontro con cada peza marcan o seu significado para a artista, sen que iso inflúa na percepción do espectador.

As súas ilustracións combinan técnicas tradicionais e dixitais, destacando o seu gusto polo puntillismo e o garabato, a miúdo organizados en patróns que funcionan como ferramentas de atención e ritmo visual. Estas técnicas permítenlle construír texturas e desenvolver un estilo propio, baseado no proceso creativo máis que no resultado final. Deste enfoque xorde Reconocerme: unha invitación a observarse máis aló do espello e a recoñecerse na súa forma de crear.

HORARIO DE VISITA

• De martes a xoves: 19:00 – 2:00 h
• Venres e sábados: 19:00 – 3:00 h
• Domingos: 20:00 – 2:00 h