Venres 20 e sábado 21 de febreiro ás 20:00 terá lugar ‘Récits d’un effondrement: Ruir. Este espectáculo propón unha conversa entre dous garçons d’étage (camareiros de piso) que atenden ás persoas que chegan ao inferno imaxinado por Jean-Paul Sartre en Huis Clos (A porta pechada).

Ante a aparición dunha crianza moi nova, iníciase unha interrogación sobre que a pode levar ata ese lugar, para descubrir unha historia escura e terrible.

Espectáculo para público adulto, integramente en lingua francesa e sen subtítulos.

En escena: Eveline Wojak e Lisa Vitorino.
Texto, dramaturxia e posta en escena: Alberte Alonso.

Máis información neste enlace