‘O soño e o eco a Rosalía de Castro’ é un recital poético composto por oito poemas musicados de Rosalía e por oito textos que serven de enlace. Trátase dunha viaxe a través do tempo, da memoria, da historia e da paixón.

No recital, Pablo Vila visita a Rosalía nun lugar-enclave relacionado coa súa vida e coa esencia da súa poesía. En verso, ambos dialogan sobre o poema musicado que se interpretará a continuación, e esa conversa convértese nun alento e nunha reflexión que guía a Pablo Vila na súa viaxe a través do tempo e da poesía.