A maxia de Queen volve a Vigo. Será en forma de concerto tributo o vindeiro venres, 18 de outubro, no Teatro Afundación. O espectáculo, que ten unha duración de dúas horas e xa conseguiu superar os dez anos en cartel en teatros e auditorios de toda Europa, denomínase Queen Revolution. Producido en Italia, o show leva máis de 400 funcións. As poucas entradas aínda dispoñibles para o único pase en Vigo están á venda en Ataquilla.com.

Entre os atractivos da proposta de Queen Revolution están os cambios de vestiario, as vídeo-proxeccións, ou unha interpretación vocal impecable. Encárgase desta última o músico Nino Bolettieri, que interpreta a Freddie Mercury. Destaca polo seu parecido físico co líder da banda de rock homenaxeada, pola súa tonalidade vocal e pola destreza que ten co piano.

Entradas