O Museo de Arte Contemporánea de Vigo (MARCO) converterase nun espazo de encontro excepcional entre a poesía, a performance e a creación audiovisual nun evento que reúne voces primorosas e únicas.

Baixo unha proposta artística que conxuga intensidade, sensibilidade e experimentación, o público poderá gozar dunha selección de intervencións que exploran a palabra desde múltiples linguaxes escénicas e visuais.

O programa contará coas seguintes propostas:

• Silvia Penas — performance poética “CANSANZO”
• Claudia G. Salgado — performance poética e audiovisual “LO QUE CRECE EN EL SILENCIO”
• Branca Trigo — performance poética “A COR DA CORDA”
• Ana Corzo, artista multidisciplinar, acompañada ao piano por David Dopazo — poesía e canción a partir dos fragmentos “EL RELOJ DE SAL” E “EL COLIBRÍ AZUL”
• Nila A. Pousa — lectura poética “O MEU DICIR”

Esta cita cultural propón unha experiencia inmersiva onde a palabra poética se expande e dialoga con outras disciplinas artísticas, convidando o público a unha escoita atenta e a unha reflexión íntima sobre o tempo, a memoria e a sensibilidade contemporánea.