Entre versos improvisados e reflexións compartidas, un grupo de mozas aborda cuestións relacionadas coa sexualidade, tecendo un fío que conecta a intimidade coa vida comunitaria.

Gravado entre Vila de Cruces, Silleda e Santiago de Compostela, o documental recolle parte das accións do proxecto ‘Regueifando con Pracer: tecendo redes feministas de improvisación e coidados’, unha proposta que celebra a regueifa e o pracer como ferramentas de transformación social.