Proxección 'MAR, SOL, VENT'

O mércores 2 de outubro (20:00 horas) Évame Oroza acollerá a estrea do documental Mar, Sol, Vent,  realizado por Xacobo Sanmartín, artífice da produtora Madre Films situada no Casco Vello Alto. O documental recolle o labor de reconstrución das salinas tradicionais da Concepción, en Menorca, nas que deseño, tradición e sostenibilidade se entrelazan para devolver á vida un legado que vén do século XIX. A entrada para poder desfrutar desta obra é libre ata completar aforo.