A Fundación Sales acollerá unha sesión moi especial de FARO, un filme de suspense de 31 minutos concibido para ser proxectado exclusivamente con música en directo. A experiencia desenvolverase no singular xardín botánico urbano deseñado por Francisco de Sales Covelo, onde o público poderá acceder desde as 21:00 horas para participar nunha charla previa co equipo responsable da película. A continuación, ás 22:30 horas, terá lugar a proxección, acompañada da interpretación en directo da súa banda sonora a cargo de Pablo Muñiz (contrabaixo e minisintetizadores) e Paulo Pascual (theremin e teclado), nunha proposta que combina cinema, música e natureza nun mesmo espazo.