Proxección do documental polo Día Internacional do Migrante coa presenza do actor Alex O’Dogherty.

Sinopse

Todos descendemos de emigrantes se afondamos ben nas nosas raíces. Todos pertencemos a un lugar, pero ese lugar non nos pertence. A esta conclusión chega o actor Alex O’Dogherty mentres continúa a investigación que comezou o seu pai sobre a historia do seu apelido. Non todos os descendentes de emigrantes son tratados por igual: depende de onde procedan e da cor da súa pel. Alex intenta saber quen é, buscando de onde vén, para acabar descubrindo que é… un pouco de todos os lados.