‘Quieres Salir Puedes Entrar’ é a primeira película sobre a figura do enigmático poeta Carlos Oroza, dirixida e escrita por Pablo Villalobos.

SINOPSE

Carlos Oroza é un caso único. Á vez a presenza e a impresencia máis sorprendente da poesía española. Escolleu a súa forma: metade home e metade poesía. Tentou borrar calquera rastro humano da súa persoa.

O 7 de marzo de 1970 acusárono de case calquera cousa: Un ave de rapina, chamáronlle. Un chaquetero… Vive dos seus amigos, aínda que fala mal deles ás súas costas. Din que é un analfabeto (“Aprendín a ler nos letreiros luminosos da cidade”.), que almorzaba, xantaba e ceaba no café Xixón de Madrid. Ten un único ídolo: el mesmo. Envexoso. Considera que a poesía española é mala porque a descoñece. Tras esa pose de home anti convencional e poeta maldito, hai unha auténtica incapacidade para a loita…

E Carlos, exhalando o fume do seu cigarro, respondía:
Todas as aves toman terra cando máis lles convén. E si, son un analfabeto. Pero teño un oído musical envexable e o verbo, que é importante nun país onde a palabra quedou convertida nun monumento. Son o meu propio ídolo, porque parece coma se e eu fósemos dúas persoas. O que se chama poesía morreu. Pechou o seu ciclo inevitablemente… Non son mimético; senón, mimoso. Non son “snob”; son tenro, cariñoso e salvaxe.

Quen é Carlos Oroza?