Proxección 'Alegría'

O festival The Wild Fest inclúe cada ano na súa programación o festival de cinema medioambiental The Wild Cinema, un certame único en Galicia que proxecta curtas e longas protagonizadas pola natureza e que pon o foco na necesidade de coidar o medio ambiente e as consecuencias do seu maltrato.

Este venres 16 de xuño, farán unha proxección previa especial  na Asociación de Veciños San Miguel de Oia ás 20h.

O filme elixido é Alegría, unha produción de Ecoloxistas en Acción Galicia de 2022, sobre as consecuencias do Prestige na Costa da Morte. Está dirixida por Luis Otero coa produtora pontevedresa URCO.

 O festival continuará do 23 ao 25 de xuño no Parque Forestal de San Miguel de Oia. O venres e o domingo a entrada é de balde. Máis información aquí.