Este sábado 31 de maio, ás 18.30, terá lugar a presentación do catálogo da artista Susanne Themlitz en ARCOLisboa, a Feira Internacional de Arte Contemporánea portuguesa que nestes días celebra a súa 8ª edición. Un acto que contará coas intervencións de Susanne Themlitz, Antonia Gaeta, e o director do MARCO, Miguel Fernández-Cid.

A exposición SUSANNE S. D. THEMLITZ, A linguaxe das cousas mudas, producida polo MARCO, Museo de Arte Contemporánea de Vigo, ocupou os espazos da planta baixa entre novembro de 2024 e abril de 2025.