O sábado 22 de agosto, ás 11:30 horas, a libraría Banda Deseñada de Vigo recibirá a visita de Bertrand Galic, un dos guionistas de longa traxectoria da banda deseñada francesa. A cita permitirá ao público coñecer de preto o autor, conversar con el sobre a súa obra e levar os seus cómics para que sexan asinados e dedicados.

Galic conta cunha produción ampla e moi diversa, con varios títulos publicados tamén en España. Entre os seus traballos destacan Los viajes de Gulliver. De Laputa a Japón, La niña y el cartero, Marcel Cerdan. El corazón y los guantes ou Fukushima, obras de temáticas e enfoques moi diferentes que amosan a versatilidade do guionista.

Durante o encontro estará acompañado pola autora Alicia Jaraba, habitual colaboradora de BD, que se encargará das labores de tradución e participará tamén na conversa co escritor.

A libraría ofrece ademais a posibilidade de solicitar dedicatorias por encargo para aquelas persoas que non poidan acudir presencialmente á cita.