Presentación 'Revuelta de las mujeres en la Iglesia'

O 1 de marzo de 2020 estalaba a chispa á porta das catedrais do Estado que, baixo o nome de Revolta das Mulleres na Igrexa, esixía que a igualdade fose costume no seo da relixión maioritaria do mundo. Unha reivindicación de voz e voto reais e urxentes que non parou de crecer e multiplicarse. Este ensaio aborda un tema de fronteira: o das feministas cristiás que desde a Igrexa machista e patriarcal son vistas con receo por feministas e desde os movementos progresistas tampouco son especialmente escoitadas precisamente por cristiás.

Este libro, escrito a varias mans, recolle a información máis completa e actualizada sobre un movemento que está chamado a cambialo todo nunha das institucións máis antigas e poderosas do planeta.