Presentación 'Quen non ten un avó fascista?'
Detalles do eventos
Ateneo Atlántico acolle a presentación do libro ‘Quen non ten un avó fascista?’, de Inma López Silva. Publicada na colección Memoria Histórica de Editorial Galaxia, ‘Quen
Detalles do eventos
Ateneo Atlántico acolle a presentación do libro ‘Quen non ten un avó fascista?’, de Inma López Silva.
Publicada na colección Memoria Histórica de Editorial Galaxia, ‘Quen non ten un avó fascista?’, é un exercicio de liberdade e democracia. Na novela, inspirada en feitos reais, o personal faise político, poñendo en valor a memoria colectiva.
“Hai unha memoria do 36 que é tamén a da retagarda, a dos sorprendidos, a dos que non lograron ser heroes, a dos oportunistas de supervivencia”. Ese é o argumento que propón Inma López Silva neste libro que oscila entre a memoria familiar, a ficción e o relato histórico a partir da vida do seu avó paterno, alcalde franquista dun pequeno concello rural.
A través del, cóntasenos unha historia que se centra nos perdedores e foxe do aspecto heroico que tan a miúdo constrúe a nosa lectura da guerra e a ditadura, retirando o foco daqueloutra maioría que, simplemente, sobrevivía como podía. A vida da familia retratada en ‘Quen non ten un avó fascista?’ conta dun xeito orixinal a historia política da Galicia da segunda metade do século XX, dando unha explicación aos silencios, temores e vergoñas que, así, se converten en motivo literario de categoría.
A presentación contará coa presenza da autora e de Xesús Alonso Montero.
Xoves 15 ás 19:30
Máis
Hora
(Xoves) 19:30(GMT+01:00)
Localización
Ateneo Atlántico
Rúa do Doutor Cadaval, 17-b 36202 Vigo Pontevedra