A asociación Évame Oroza acolle a presentación de O Refraneiro, unha monumental obra de recompilación publicada por Editorial Elvira que reúne 5.626 refráns, aforismos, cantigas e expresións populares. Froito de décadas de investigación e escoita do seu autor (médico e investigador da cultura tradicional), este libro constitúe unha viaxe á memoria colectiva, á retranca e á sabedoría popular transmitida de xeración en xeración.

O encontro servirá como homenaxe á palabra viva e contará coa participación de Maika Mourelo (viúva do autor), Mini (especialista en música e cultura popular) e o editor Xabier Romero.