Existe a idea de que Jane Austen era unha señora de vida aburrida que escribía dende unha aldea na campiña inglesa onde pasaba pouco ou nada. Porén, a verdade é moito máis interesante. Dende a súa casa rural, Jane Austen conseguiu crear historias universais e personaxes dos que seguimos namorando dous séculos despois do nacemento da súa autora.

Nesta biografía, que é tamén libro de viaxes, Raquel C. Pico convídanos a coñecer os lugares nos que viviu e traballou Jane Austen para así entender como escribía, de onde sacaba as súas ideas e quen era ela realmente.