«O elefante que perdeu o seu ollo» é o terceiro libro do narrador camerunés Boniface Ofogo no catálogo de KALANDRAKA, tras «O león Kandinga» e «A paso de tartaruga». Trátase de contos tradicionais africanos que veñen transmitíndose de xeración en xeración dende tempo inmemorial. A libraría LIBROS PARA SOÑAR de Vigo (Triunfo, 1) acolle este venres día 9, a partir das 18:30 horas, un encontro co autor, acompañado polo ilustrador desta nova obra, Marc Taeger.