Presentación 'NUNCA ES MAÑANA'

Sinopse

Cando Álex e Blue eran nenos xogaban a perseguirse con espadas de madeira. El era o rei, ela, a súa guerreira. Cos anos, substitúen as armas por escapadas para bañarse xuntos no río, e pronto Álex atopa o camiño para coarse na habitación de Blue polas noites.
O primeiro bico nunca se esquece, e o de Blue veu cunha promesa nunha calorosa noite de verán.
Álex collerá un avión que o levará a Harvard. Blue buscará o seu propio camiño en Edimburgo. Con todo, o lume do primeiro amor segue crepitando… Será suficiente distancia un océano para mantelos separados? Como se pode esquecer cando a pel garda memoria?
Unha promesa rota, segredos, dous irmáns e un amigo como terceiro en discordia, mentres o mundo non deixa de virar. Conseguirán Álex e Blue ter o seu mañá?

Noelia Rodríguez (Mos, 1983). Licenciada en Dereito Económico Empresarial pola Universidade de Vigo. Tras a súa época universitaria, pasou unha tempada en Irlanda antes de mergullarse de cheo no mundo xurídico. Especialista en Dereito Procesual e Concursal, exerceu durante os seus primeiros anos en Madrid, cidade que considera a súa segunda casa. Melómana e adicta ao café. Actualmente reside en Vigo, facendo equilibrios entre as letras e as leis.
En 2019 publicouse Involución, unha vertixinosa distopía e a súa primeira aposta polo urban fantasy. En 2021 viu a luz Os visionarios, unha novela fantástica que nos mergulla de cabeza na metaliteratura. En 2022 publicouse As louras tamén choran, unha novela romántica onde o seu protagonista vive unha trepidante viaxe física e persoal que a fai redescubrir quen é. En 2023 descubrimos a Roser en Rosa destinguido, unha historia na cal se desdibujan as liñas do que é e non é correcto para vivir unha intensa paixón. En 2024 chega Nunca é mañá, un friends to lovers onde os personaxes terán que enfrontarse a un destino empeñado en separalos.