Presentación 'Las aventuras del Capitán Torrezno

Con motivo da saída do cuarto volume da súa edición integral e acompañado do seu fiel exégeta gráfico, Santiago Valenzuela, o Capitán convoca a todos os membros da logia torreznil en Banda Deseñada o vindeiro sábado día 21 a partir das 18:00 horas. No encontro, os iniciados, terán a oportunidade de facer recapitulación das aventuras ata o momento. E para os aínda non iniciados ábrese unha nova oportunidade de entrar no marabilloso universo do Capitán Torrezno.

O exégeta gráfico, Santiago Valenzuela, dedicará exemplares de calquera dos tomos da colección e tamén aceptará encargos para os que cometan o tremendo erro de non asistir en persoa.

Tan avisados como convocados quedan todos.