A asociación Évame Oroza acolle a presentación de “La falsa gurú”, a nova novela de Jesús Vasconcelos Soliño (subinspector da Policía Nacional e escritor) publicada pola Editorial Elvira. No acto, o autor estará acompañado polo editor Xabier Romero para desgranar os detalles deste thriller psicolóxico ambientado en Mallorca.

A trama introduce ao lector nun caso de investigación policial liderado polo axente Saúl, da Brigada de Información especializada en movementos sectarios, quen debe rescatar a unha moza captada por unha carismática líder espiritual vinculada ao esoterismo e o reiki. O libro nace da experiencia directa do autor, quen na actualidade actúa como subinspector da Policía Nacional (na unidade TEDAX-NRBQ), achegando unha visión rigorosa sobre os mecanismos de control, as redes de dependencia e o funcionamento interno destas organizacións.