A Morada acolle a presentación de Indómitas: Nove ondas a Begoña Caamaño, o novo libro-CD de Uxía, unha obra que nace como unha homenaxe á amizade, á memoria e ás mulleres libres a través da música e da palabra. O proxecto rende tributo á escritora e xornalista Begoña Caamaño mediante un percorrido íntimo construído desde o afecto e a lembranza.

O encontro contará cunha charla, asinatura e un pequeno concerto coa participación de Sabela Dacal (acordeón), Rafa Otero (guitarra) e As Mosas, ademais dunha presentación conducida pola xornalista Tereixa Constenla.