A libraría Librouro e a Asemblea Republicana de Vigo organizan a presentación de España, cara B: Farsa, corrupción y fraude, a última obra do extenente do exército español Luis Gonzalo Segura, recoñecido pola súa traxectoria de máis dunha década na denuncia de abusos e corrupción no ámbito militar. O libro, publicado pola editorial Lola Books, propón unha profunda análise crítica sobre as dinámicas de poder e as eivas do sistema político actual.

O acto estará introducido e moderado por Anxo Padín, presidente da Asemblea Republicana de Vigo. Tras a presentación da obra, abrirase un coloquio co público asistente e o autor asinará exemplares do libro ao remate do evento.