Presentación pública do libro de Bolívar Antela Garrido Esencia. En cuerpo y alma

A presentación contará coa introdución do escritor e fiscal Luis Anguita Juega, o xornalista David Acevedo López e o historiador Daniel Manuel Vázquez Vila, que xunto co autor darán a coñecer os entresixos desta obra, froito dun exercicio de introspección que vai do emocional ao filosófico, cun amplo repertorio de situacións que colocan o lector fronte a fronte cos recunchos mentais polos que se move o corazón do autor, dunha profunda sutileza e sensibilidade.