Évame Oroza acolle a presentación do novo libro de Francesca López d’a Silva, unha obra que convida a lectores de todas as idades a mergullarse nun universo de poesía, imaxinación e asombro. A autora constrúe unha historia na que a natureza, a fantasía e a tradición oral acompañan a un neno nunha viaxe á procura das palabras que habitan nel.

No acto participarán Francesca López d’a Silva, Antonio García Teijeiro, Stella Maris González Balbuena e o editor Xabier Romero. A presentación contará ademais coa actuación musical de Pablo Vila.