A asociación cultural Évame Oroza acollerá a presentación do poemario Cenizas de cristal, da autora viguesa Victoria Abreu. O acto estará conducido pola comunicadora Charo Milogo e contará coa intervención musical de Nacho G Doval. Ademais, acompañarán á autora nesta presentación as poetas Susi de la Torre e Franchesca da Silva, que participarán nun encontro literario arredor da obra.

Cenizas de cristal é un poemario fraguado ao longo de varias décadas e nace dun conxunto de textos escritos tras unha etapa marcada pola depresión. A obra constrúe así un percorrido emocional que transita desde unha primeira parte máis introspectiva e marcada pola escuridade cara a unha segunda sección máis luminosa, dinámica e chea de cor.

Entrada de balde ata completar aforo.