Presentación 'Días felices con Fabia', de Xosé Cermeño

Presentación da novela Días felices con Fábia , na Casa del Libro, o xoves 6 de xuño ás 19h.

Días felices con Fábia é unha historia de sedución e enganos que transcorre no Porto. Un realizador de televisión en horas baixas chega para facer un documental sobre a acuicultura dos polbos e coñece a Fábia, unha bióloga que vai remover case todo na súa vida.

Na presentación participarán o autor, Xosé Cermeño; o xornalista Tomás Alonso e o director de Edicións en Editorial Galaxia, Marcos Calveiro.

Xosé Cermeño (A Coruña, 1959) é sociólogo, escritor e creador de televisión.  Foi director da primeira serie de ficción en galego, Os outros feirantes, en 1990, e creador da primeira comedia na TVG, Pratos Combinados (1995-2006), unha produción xerminal no noso audiovisual. Imaxinou e dirixiu programas de éxito, como Larpeiros (2007-2019), ademais de ser autor e guionista doutras producións.