O poeta arxentino Carlos Schröder e o crítico literario Ramón Nicolás, presentan Malversaciones. Milei a la manera de…, un libro inspirado na obra de Celso Emilio Ferreiro e escrito polo primeiro e Guillermo Vivaldo, na A. C. Évame Oroza.

Schröder e Vivaldo reunen nesta obra un traballo de creación poética onde aseguran “non pretender equiparar a magnitude do horror franquista co cruel destino político, social e económico que supón a presidencia de Javier Milei para a Arxentina, en xeral, e para as clases populares en particular”.

Santa Teresa de Ávila, Borges, García Lorca, Cervantes, José Hernández ou Góngora, inspiran, co seu xeito de concibir a poesía, un total de 36 poemas de nova creación escritos “ao xeito de” outros tantos autores e autoras iberoamericanos. Os textos de Schröeder e Vivaldo ”malversan” a estes autores para denunciar a actual situación política de Arxentina.