Presentación e firma do Libro Chico! Viviendo en una trampa de cristal do autor e debuxante Pablo Carreiro, o sábado 31, ás 12:00h en Banda Deseñada.

O ilustrador e historietista vigués Pablo Carreiro presenta Chico! Vivindo nunha trampa de cristal, novo volume da serie Chico!, publicado por Editorial Siete Islas. A obra continúa a historia de Berto e do seu grupo de amigas no punto no que remataba o título anterior, en outubro de 2002, cando comezan 1º de Bacharelato.

Neste libro, Carreiro volve combinar experiencias persoais e ficción para retratar a vida cotiá dun mozo de dezaseis anos que afronta cambios vitais, novas relacións e conflitos propios dun adolescente gay. A narración incorpora tamén acontecementos históricos e sociais do inicio dos anos 2000, como o afundimento do Prestige ou as mobilizacións do “Non á guerra”, que funcionan como pano de fondo xeracional.

A historia sitúase novamente en Vigo, con localizacións recoñecibles da cidade que teñen un papel destacado no desenvolvemento da trama. O volume inclúe referencias á cultura popular da época e mantén a presenza de personaxes e realidades diversas, unha constante na obra do autor.