O martes 30 de xaneiro, ás 20:00 horas procederase nas instalacións de Librouro (Rúa Eduardo Iglesias, 12) á presentación pública do libro “Celso Emilio Ferreiro, nacionalista galego”, de Luis Gonçales Blasco “Foz”, mestre, político e fundador da UPG. A introdución do autor correrá a cargo do tamén escritor Pepe Cáccamo e o crítico literario Ramón Nicolás. Neste ensaio o autor proponnos unha achega ao comportamento político do poeta ao longo da súa vida. Logo da presentación procederase ao correspondente debate e posterior sintatura de exemplares.