O venres 28 de novembro, a viguesa Laura Torres presenta o conto solidario Beland, mi lugar en el mundo, unha obra ilustrada por Raquel Aparicio e publicada pola editorial Brau. A libraría Libros para soñar acollerá, ás 18:00 horas, esta presentación, que incluirá ademais un contacontos e unha actividade de pintura para os máis pequenos.

Esta obra forma parte do movemento #Beland, impulsado desde a Fundación Alba Torres Carrera, que actualmente está a recadar fondos, xunto con Save the Children, para axudar a nenos en situacións de conflito.