Na Sala de Exposicións do edificio “Redeiras” da Universidade de Vigo, preséntase o libro Atlas histórico de Vigo de Gonzalo Méndez Martínez.

O libro reúne unha coidada selección de documentos cartográficos que reflicten a evolución do territorio de Vigo ao longo de máis de catro séculos, propón ao lector, a través dos seus mapas, un percorrido visual e histórico pola memoria de Vigo, da súa ría e da súa contorna. Cada documento presentado, que constitúe un testemuño técnico de gran valor en si mesmo, vén acompañado da súa ficha técnica e dos correspondentes comentarios explicativos.