O Café Uf acolle este venres a presentación de “Anacos”, o novo traballo de Alfonso Rodríguez. Trátase dun poemario ilustrado que reúne textos creados entre 2021 e 2025 combinados con 44 colaxes a toda cor, establecendo un diálogo único onde a poesía e o deseño visual se complementan.

No acto de presentación participarán o propio autor e Carlos Rafael, responsable da selección dos poemas. Para completar a velada, a cita contará cunha actuación de Wind Wordsnoise acompañada dunha proxección audiovisual, reforzando o espírito experimental da editorial Saurobuks por crear propostas híbridas máis alá do formato literario convencional.