O filólogo e mestre en comunicación Antonio Iglesias Mira presenta hoxe o seu primeiro libro A ditadura portuguesa contra Castelao, no que recupera a historia da Crise Académica en Coímbra, que enfronta a estudantes coa ditadura, en 1969.

O grupo de teatro CITAC, dirixido polo profesor Ricard Salvat mesturaría as teorías de Bertolt Brecht coa figura de Castelao e a arte de Seoane e Díaz Pardo, nun ambiente tenso, onde a ditadura acabaría por prohibir un espectáculo que pasou a pensarse perdido para sempre.