Desde Gran Canaria chegan a Galicia “Pleito” e “Igb“, os proxectos en solitario de Alba e Nacho respectivamente, ambos presentando álbum. O de Pleito, loscoloresdelaspiedras, onde o saxofón é o protagonista. Mediante arpexos creados coa respiración circular, loops, efectos, elementos da percusión tradicional canaria e a voz de Alba fórmase unha atmosfera hipnótica cunha intensa carga emocional.

Igb presenta La Umbría, segundo traballo do proxecto. Aquí a guitarra é o instrumento principal, que coa axuda de drones, paisaxe sonora e proxeccións senta a base para outra viaxe introspectiva.