‘PerMUTAcións’ é unha liña de sesións en MUTA que propón achegamentos accesibles á arte, pensados para escoitar, mirar e conversar. Nesta sesión, Marta Riera, ilustradora e divulgadora cultural, presenta unha proposta visual arredor do trampantoxo. Espazos que parecen máis amplos, bóvedas que se abren ao ceo, obxectos que case podemos tocar… un xogo entre arte e mirada que percorre distintos momentos da historia da arte ata chegar a expresións contemporáneas como a pintura mural, a fotografía ou o grafiti.