Fillo do tamén cantautor Luis Pastor e sobriño de Pedro Guerra, o madrileño gaña gran repercusión en 2021 tras o lanzamento do seu disco titulado ‘Voltas’, un traballo que evidencia un salto na calidade da composición musical do artista e coa que continúa engrandando a súa poderosa herdanza musical.

A pesar da súa mocidade, Pedro Pastor xa suma máis de doce anos sobre as táboas, con máis de 500 concertos en máis de dezasete países como Colombia, México, Cuba, Arxentina, Costa Rica ou países de Europa.

A súa música cabalga así entre ambos os continentes, con letras que supoñen un canto ao cambio e á rebeldía, ao amor e á aprendizaxe, á mestura e á fusión, como principal fonte de desenvolvemento musical e humano.

No seu estilo conviven a cumbia, o funk, a música africana ou o folclore latinoamericano, sen perderse a forza e a esencia da canción de autor e a súa mensaxe.

Entradas