Paxarear é a actividade de observar aves na súa propia contorna, e, en plena época primaveral, estas atópanse no seu pico de actividade.

Ferreiriños, pardais, paporrubios, pegas, xirines e moitos mais paxariños habitan en Vigo no monte do Castro, onde aprenderemos a identificalos e, se cadra, a aprezalos un chisco máis.

A saída de observación de aves comezará na porta do CSA, dende onde iniciaremos unha ruta circular dunha hora e media na que se explicarán diferentes aspectos da bioloxía das aves e doutros seres vivos cos que conviven.

Durante a actividade forneceranse tres prismáticos rotatorios, pero se contas cuns prismáticos de teu non dubides en traelos, xa que son unha ferramenta fundamental para a observación de aves!