Para Entrar a Vivir

PARA ENTRAR A VIVIR, unha banda, de nova creación e vellos coñecidos, presenta en directo os seus novos temas de creación propia. Formulación básica no conceptual pero profundo no musical, prometen un concerto enérxico á vez que fluído e co fin de encher vasos e corazóns.

Ás veces as cousas pasan porque teñen que pasar. As unións, as desunións, a luz ou a arte forman parte do cotián e arrincan a chama da creatividade e a insolencia de quen non pon límites ás súas iniciativas. Comezan as aventuras conxugadas que nacen sen lastres nin portas pechadas procurando, en calquera caso, unha vía de escape a aquilo encerrado desde hai anos e que agora pode mostrarse.