O vindeiro venres 9 de maio ás 20:00 horas, o local da asociación Évame Oroza acollerá a actuación do músico, escritor e poeta vigués Pablo Vila. O concerto forma parte da xira de presentación do seu último disco titulado Mintiéndote a la cara, editado recentemente.

Será un directo acústico en solitario no que Vila fará un percorrido polos temas de Mintiéndote a la cara, pero tamén interpretará cancións dos seus anteriores traballos como Velas Rotas e Noches Largas.

Na presentación desta nova proposta musical tamén repasará algúns poemas e cancións que se poden atopar nas súas publicacións literarias, como son os poemarios El año lírico y El sueño y el eco. Pablo Vila é ademáis autor das novelas Os Fillos da Memoria e A Luz na Néboa, que tamén terán presenza durante o concerto.