Os tres porquiños é unha obra musical con monicreques a tamaño real. Unha revisión da tradicional fábula para adaptala aos novos tempos, incluíndo as figuras de Xan e Xiana, dous exploradores moi afeccionados aos contos, que se internan no bosque para coñecer aos seus personaxes favoritos.

Na súa viaxe, ademais de descubriren a historia, os tres porquiños bailarán ao ritmo das cinco cancións —cantadas en directo— que compoñen o espectáculo, e que teñen unha clara misión didáctica: que os máis pequenos aprendan ou reforcen coñecementos como os números, as cores ou as pezas de roupa.

Hai dúas funcións, unha ás 12:00h e outra ás 17:00h.

ENTRADAS AQUÍ