VII Semana do cine Xaponés 

Os Multicines Norte acollen un ano máis a Semana do Cine Xapónes, organizada pola Escola Oficial de Idiomas, que chega á súa sexta edición. As películas que poderemos ver en VOSE son Crepúsculo en Tokio de Yasujirō Ozu, Akira de Katsuhiro Ōtomo e Tokyo Revengers de Tsutomu Hanabusa. O prezo de cada proxección é de 5,00 €.

Crepúsculo en Tokio de Yasujirō Ozu

Dúas irmás viven co seu pai, abandonado pola súa muller. A máis nova tivo unha aventura e quedouse embarazada, a maior abandonou ao seu marido e refuxiouse co seu fillo na casa paterna. Cando de súpeto reaparece a súa nai, o seu estupor non terá límites.

Martes 18 – 21:40 h
Mércores 19 – 19:50 h
Xoves 20 – 17:30 h

Akira de Katsuhiro Ōtomo

Ano 2019. Neo-Tokyo é unha cidade construída sobre as ruínas da antiga capital xaponesa destruída tras a Terceira Guerra Mundial. Xapón é un país ao bordo do colapso que sofre continuas crises políticas. En segredo, un equipo de científicos renovou por orde do exército un experimento para atopar a individuos que poidan controlar a arma definitiva: unha forza denominada «a enerxía absoluta». Pero os habitantes de Neo-Tokyo teñen outras cousas das que preocuparse. Un deles é Kaneda, un mozo pandillero líder dunha banda de motoristas. Durante unha pelexa, o seu mellor amigo, Tetsuo, sofre un estraño accidente e termina ingresado nunhas instalacións militares. Alí os científicos descubrirán que é o posuidor da enerxía absoluta. Pero Tetsuo, que non se resigna a converterse nun coello de indias, moi pronto se converterá na ameaza máis grande que o mundo coñeceu.

Martes 18 – 17:30 h
Mércores 19 – 21:50 h
Xoves 20 – 20:00 h

Tokyo Revengers de Tsutomu Hanabusa

Ao ver as noticias, Takemichi Hanagaki decátase de que a súa antiga noiva do instituto, Hinata Tachibana, foi asasinada por un grupo de viláns coñecido como Tokyo Manji Gang. Hanagaki vive nun apartamento horrible con paredes de papel, e o seu xefe, seis anos máis novo, trátao como un idiota. A súa vida tocou fondo… Pero de súpeto viaxa doce anos ao pasado, aos seus días de instituto, para salvar a Hinata e cambiar a súa vida.

Martes 18 – 19:60 h
Mércores 19 – 17:30 h
Xoves 20 – 21:50 h

Mercar entradas