"Os fillos da vide" de Ana Domínguez

O xoves 29 rematan as sesións da Filmoteca de outubro coa proxección do documental “Os fillos da vide”, da realizadora Ana Domínguez.

Regresando ás súas raíces, Ana Domínguez penétrase nunha viaxe que vai do persoal ao ancestral a través dos ciclos da vida e das estacións; os viñedos, a vendima e o viño. Os ritos, os ritmos da natureza e as tradicións en perigo de extinción, a través das paisaxes e de quen os habita, debuxan esta mirada na que etnografía e emoción fúndense nunha revelación das correntes pagás e míticas das bacanais que son as festas populares, explosións de fertilidade e de vida.