A nova tempada da Orquestra Vigo 430 ábrese o 25 de xaneiro no Auditorio Martín Códax co programa ‘Paisaxes soñadas’.

Este programa propón unha viaxe polo territorio máis íntimo e imaxinativo do Romanticismo tardío. A soidade luminosa da Sonata para violín só nº 4 de Eugène Ysaÿe ábrenos as portas dun mundo interior onde virtuosismo e poesía se confunden. En Märchenbilder, Robert Schumann convídanos a entrar nun universo de lendas e contos sen palabras, onde a viola e o piano debuxan escenas cheas de delicadeza, misterio e emoción. Tras a pausa, a Sonata para violín e piano de Richard Strauss expándese como unha paisaxe ampla e ardente, onde a intensidade do lirismo straussiano acada unha das súas expresións máis temperás e apaixonadas. Tres obras, tres modos de soñar: unha travesía pola imaxinación, polos matices da memoria e polas paisaxes invisibles que só a música é quen de revelar.

Programa:
1ª parte
E. Ysaÿe: Sonata para violín só No.4
R. Schumann: Märchenbilder, para viola e piano
2ª parte
R. Strauss: Sonata for Violin and Piano

Intérpretes:
Amira Abouzahra (violín e viola) & Cristina Redondo (piano)

Compra de entradas aquí