ORQUESTA SINFÓNICA DE GALICIA – A Movida

maio, 2018

03mai20:30ORQUESTA SINFÓNICA DE GALICIACONCERTO | Desde 11,70€20:30 Teatro García Barbón

Máis

Detalles do evento

A Orquesta Sinfónica de Galicia ofrecerá un novo concerto incluído na Tempada de Música Clásica de Afundación, a Obra Social de ABANCA, no Teatro Afundación de Vigo (Policarpo Sanz, 13). O recital, organizado en colaboración coa Sociedade Filarmónica de Vigo, será xoves 3 de maio, ás 20.30 h.

A agrupación estará dirixida por Víctor Pablo Pérez e interpretará obras de Felix Mendelssohn como Concerto para piano núm. 1, en sol menor, op. 25 e Concerto para piano núm. 2, en re menor, op. 40; de Antoni Parera Fons, Obertura per un bon dia; e de Paul Hindemith, Metamorfoses sinfónicas.

As entradas están á venda na web Ataquilla.com para todas aquelas persoas que non adquirisen o abono para a tempada que supón un aforro do 20 % con respecto ás entradas individuais. Ademais, Afundación conta cunha política de bonificacións e descontos para persoas desempregadas, xubiladas e mozas que implica unha rebaixa adicional dun 10 % no prezo das entradas.

A ORQUESTA SINFÓNICA DE GALICIA
Creada en 1992 polo Concello da Coruña, e con sede no seu Palacio de la Ópera, a Orquesta Sinfónica de Galicia (OSG) é unha das agrupacións orquestrais de maior proxección en España. A formación foi orquestra residente do Festival Rossini de Pésaro de 2003 a 2005 e do Festival Mozart da Coruña desde a súa creación, no 1998. Ademais, realizou varias xiras por Alemaña e Austria e ofreceu concertos nas mellores salas de concertos españolas.

Hora

(Xoves) 20:30

Lugar

Teatro García Barbón

Policarpo Sanz ,13 36202

X