O Orgullo Crítico continúa a súa programación este venres cunha proposta lúdica e aberta á participación de toda a veciñanza. O Centro Social A Desviada acolle unha xornada de xogos de mesa pensada como espazo de encontro, convivencia e diversión, onde compartir unha tarde diferente nun ambiente inclusivo e comunitario.

A actividade forma parte da programación do Orgullo Crítico 2026, unha edición que, malia non celebrar a súa habitual festa multitudinaria, mantén unha ampla oferta de actividades gratuítas e reivindicativas repartidas por toda a cidade. Ao longo do mes haberá obradoiros, cinema, roteiros, memoria histórica, pedaladas e diferentes propostas culturais que buscan reforzar os valores de diversidade, igualdade e participación cidadá.

Máis información